اشترك في كلابس مصر

تأكيد الصفقة المصرية الإماراتية لرأس الحكمة بـ35 مليار دولار

ملخص اللي حصل

مصر والإمارات وقّعوا اتفاقية تاريخية لتطوير أرض رأس الحكمة بالساحل الشمالي في 23 فبراير 2024.

صفقة تاريخية: الصفقة هي أكبر استثمار أجنبي مباشر تم في مصر، ووقع عليها وزير الإسكان المصري <عاصم الجزار> ووزير الاستثمار الإماراتي <محمد السويدي> في حضور رئيس مجلس الوزراء <مصطفى مدبولي> بالعاصمة الإدارية الجديدة.

أهم التفاصيل

الاتفاق حدد خطط لبناء مدينة متطورة في رأس الحكمة، تضم القطاعات السكنية والتجارية والرعاية الصحية والسياحية.
بمساحة تمتد على أكثر من 40,600 فدان، هيتم تنفيذ المشروع من قبل هيئة المجتمعات العمرانية الجديدة وشركة <ADQ القابضة>، وهي صندوق سيادي تابع لإمارة أبوظبي.
المساحة دي تعادل نص مساحة القاهرة الجديدة، أو حوالي 5 أضعاف مساحة مدينتي.
رئيس الوزراء أعلن إن من المتوقع إن المشروع يجذب 35 مليار دولار استثمارات أجنبية مباشرةْ في حوالي شهرين، ودي دفعة كبيرة للاقتصاد المصري.

حركة الفلوس

حسب بيان صحفي لـ<ADQ القابضة>، من المتوقع إن المشروع يجذب استثمارات تصل لـ150 مليار دولار.
الـ35 مليار دولار متقسمة لـ24 مليار دولار تدفقات جديدة لمصر، و11 مليار دولار هتتنازل عنها <شركة أبوظبي القابضة> من ودائعها الموجودة في البنك المركزي
مصر هتستلم الـ35 مليار دولار كالتالي:
- 15 مليار دولار خلال أسبوع (10 مليارات دولار من التدفقات الجديدة + 5 مليارات دولار من ودائع الإمارات في البنك المركزي)
- 20 مليار دولار بعد شهرين (14 مليار دولار من التدفقات الجديدة + 6 مليارات دولار من ودائع الإمارات في البنك المركزي)
حصة مصر من الأرباح وحصتها في المشروع تبلغ 35%.

التأثير لحد دلوقتي

الدهب: انخفض الدهب عيار 24 بنسبة 6.1% لـ3,703 جنيه للجرام في يوم الخبر، حسب بيانات <Gold Net Trading>.
- المصريين بيفضلوا الدهب كملاذ آمن لما تكون الدنيا مش واضحة، انخفاض سعره غالبًا بيتزامن مع زيادة ثقة المستثمرين
العقود الآجلة غير القابلة للتسليم: بعد إعلان الصفقة، انخفض سعر صرف الدولار في العقود الآجلة لمدة 12 شهرًا بنسبة 14% لـ57 جنيه.

معلومة كلابس: العقود الآجلة غير القابلة للتسليم تعتبر مؤشر على ثقة المستثمرين في قوة الجنيه مقابل الدولار في المستقبل.

خلّيك مركّز

لما ناخد في الاعتبار حجم المشروع الضخم وطبيعته، منطقي نتوقع ارتفاع كبير في قطاع العقارات ومواد البناء في مصر.

وحسب <أحمد الحفناوي>، رئيس استراتيجيات التحليل الفني في شركة <ثاندر لتداول الأوراق المالية>، من المرجح إن الشركات المعنية بالعقارات والأسمنت والسيراميك والكابلات والمقاولات تشهد نموً كبير، وده هيتيح فرص استثمارية للمستثمرين الأفراد.

جولدمان ساكس قالوا رأيهم

سيولة: حسب أبحاث <جولدمان ساكس> الاقتصادية، من المتوقع إن الاستثمار ده يوفر كمية كافية من السيولة لتغطية الفجوة التمويلية في مصر على مدى الأربع سنين اللي جاية.

سعر الصرف: من المتوقع إن التدفقات الجديدة البالغة 24 مليار دولار خلال الشهرين القادمين تقوّي احتياطيات صرف العملات الأجنبية في مصر وتساعد على تصفية سوق العملات الأجنبية.

من الآخر: يُعتبر الإعلان ده إيجابي للجنيه، وبيمثل فرصة لمصر لاستعادة السيولة في سوق صرف العملات الأجنبية.

لما رأس الحكمة كانت إشاعة، الـEGX100 وقع بحوالي 8%

هل حصل فعلًا؟ اه، المرة الأولى اللي تم فيها تداول شائعة رأس الحكمة كانت في 31 يناير 2024. في الوقت ده، انخفض مؤشر الـEGX100 بنسبة 10%.
ليه؟ ممكن التفاؤل المتجدد زاد من ثقة المستثمرين في الجني.
- حسب <عبدالخالق محمد>، عضو لجنة استراتيجيات الأسهم في <ثاندر لتداول الاوراق المالية>، المستثمرين بيستخدموا البورصة المصرية كوسيلة للتحوط من أي ضعف محتمل في قيمة الجنيه. علشان كدة، لو الجنيه أظهر علامات قوة، ممكن يجذب الأموال بعيد عن البورصة المصرية.
أصدقائنا في رامبل يعرفوا: رامبل منصة بتعمل كمستشار مالي ليك ،عن طريقها الخبراء بيقدمولك توصيات لأقوى فرص استثمار في السوق ومحتوى يساعدك تتفهمه. للحصول على تحليلهم لتأثير صفقة رأس الحكمة على البورصة المصرية، اللي لسة هينزل قريب، ممكن تتابعوا موقعهم هنا. ولفهم علاقتنا بـ<رامبل>، ممكن تدوسوا هنا.