اشترك في كلابس مصر

مصر تزيد استيرادها من القمح

خبر بفلوس
مصر زودت استيرادها من القمح مقارنةً بالسنة اللي فاتت.

أصل الموضوع
حسب ‘الشرق’، البلد اشترت 1.6 مليون طن قمح من أول سبتمبر، مقارنة بـ120 ألف طن في نفس الفترة السنة اللي فاتت.

تجار قمح قالوا للـ’الشرق’ إن البلد بتحوط مخزونها من القمح، وبتستغل انخفاض سعره بنسبة 32% بالمقارنة بنفس الفترة السنة اللي فاتت.

ليه ده مهم
مصر عندها ~50% عجز في سوق القمح، لإنها بتحصد 10 مليون طن سنوياً لكن بتستهلك 20 مليون طن. البلد بتسد العجز ده باستيراد الباقي، واللي بيخلي مصر من أكبر مستوردين القمح في العالم.

ودلوقتي
مصر قدرت تشتري القمح بشروط دفع آجل لمدة 270 يوم، وده بيدي مهلة أكبر لتمويل الشراء بالمقارنة بالحد الأقصى السابق، 180 يوم.