اشترك في كلابس مصر

المزارع الشمسية ممكن تزود طاقة لمنشآت مصر للالومنيوم

:خبر بفلوس
وزير المؤسسات العامة قابل شركة “إنجي” الفرنسية وشركة أوراسكوم للإنشاءات، وناقشوا بناء محطتين طاقة شمسية جداد علشان يزودوا منشآت مصر للالومنيوم بالطاقة.

:أصل الموضوع
المحادثات كانت عن بناء محطة طاقة واحدة لتوفير الطاقة للمجمع الحالي للألمنيوم في نجع حمادي ومحطة طاقة تانية للمنشأة الجديدة للألمنيوم في سفاجا.

:ليه ده مهم
شركة مصر للالومنيوم التابعة للدولة أعلنت من قريب ان عندها خطط لتوسيع وتحديث منشآتها. وده ممكن يساعد استخدام الطاقة الخضراء في زيادة فرص التصدير إلى أوروبا، خاصةً أن تكلفة الكهرباء بتوصل لحوالي 40٪ من تكاليف إنتاج الألومنيوم.

:و دلوقتى؟
مفيش تفاصيل عن حجم أو تكلفة المحطات الكهربائية، ولا عن إسهامها في احتياجات مصر للالومنيوم من الكهرباء.