الخبر:

من بين أهداف  الحكومة الجديدة خلال التلت سنين الجاية، مصر عايزة الاستثمارات الخاصة تشكل 51% من إجمالي الاستثمارات المحلية بحلول السنة المالية 2026-2027، و عايزة  الرقم يزيد لـ70% على 2030، “إنتربرايز” كتبت.

إزاي نحقق ده:

الحكومة بتخطط تسهل عملية إقامة المشاريع للمستثمرين و تبسط عملية الحصول على التصاريح لمشروعاتهم.  الحكومة بردو هتقدم حوافز لتشجيع الاستثمار الأجنبي المباشر في الصناعة وقطاعات رئيسية تانية وهتسمح للقطاع الخاص بتأجير الممتلكات الشاغرة اللي بتملكها وزارة قطاع الأعمال العام.

أهداف تانية:

التصنيع: مصر عايزة تحقق معدل نمو سنوي 31.2% في الإنتاج الصناعي بحلول 2026-2027، و عايزة ترفع الصادرات لـ130 مليار دولار بحلول 2026-2027 و145 مليار دولار بحلول 2030. الحكومة هتبني مناطق صناعية جديدة، وهتعزز البنية التحتية في المناطق الصناعية  عشان تحقيق الأهداف دي.

السياحة:   بدل الهدف الأصلي اللي كان جذب 30 مليون سائح بحلول 2028، الحكومة خفضت الرقم ل 25 مليون سائح سنويًا على 2030.

التوظيف: الحكومة حطت هدف لتقليل معدل البطالة لـ6.5% بحلول السنة المالية 2026-٢٠٢٧—  نزولاً من 6.7% في الربع الأول من السنة— وتوصله لـ6.1% بحلول 2030.

الرعاية الصحية: الحكومة بتخطط لزيادة تغطية التأمين الصحي لـ85% من الشعب بحلول 2026-2027،  عايزة تضمن إن الإنتاج الادوية المحلي يغطي 94% من احتياجات السوق المحلي.