القاهرة للدواجن نشرت نتائج أعمالها المجمعة لعام 2023.
الإيرادات
وصلت إيرادات القاهرة للدواجن لـ11.8 مليار جنيه مقارنة بـ6.47 مليار جنيه في الفترة اللي فاتت، بزيادة سنوية قدرها 82.3%.
مجمل الربح
بعد خصم تكلفة البضاعة المباعة، مجمل الربح كان 2.8 مليار جنيه مقارنة بـ827 مليون جنيه في الفترة اللي فاتت، بزيادة سنوية قدرها 238%.
هامش الربح الإجمالي
نتيجة لزيادة الإيرادات بمعدل أعلى من تكلفة البضاعة المباعة، ارتفع هامش إجمالي الربح لـ23.7% من 12.7% في الفترة اللي فاتت.
الربح التشغيلي
ربح الشركة بعد خصم المصاريف التسويقية والتشغيلية والعامة والإدارية وصل لـ2.27 مليار جنيه، بزيادة سنوية 295% بالمقارنة بـ574 مليون جنيه في الفترة اللي فاتت.
هامش الربح التشغيلي
زيادة الربح التشغيلي انعكست في زيادة هامش الربح التشغيلي لـ19.2% من 10.4% في الفترة اللي فاتت.
صافي الربح
نط صافي الربح لـ1.16 مليار جنيه من 268 مليون جنيه العام الماضي، بزيادة سنوية قدرها 333%.
هامش صافي الربح
ده انعكس في زيادة هامش صافي الربح إلى 9.8% من 6% العام الماضي.
ما وراء القفزة:
الشركة المتكاملة رأسيًّا بتبيع منتجات في معظم خطوات سلسلة التوريد، بما فيهم العلف، الصيصان، الدجاج الحي، البيض، لحم الدجاج، والمنتجات التجزئة مثل علامتها التجارية الرئيسية كوكي.
-
معلومة كلابس – التكامل الرأسي
هو لما شزكة تبقى متحكمة بأكتر من خطوة في سلسلة التوريد، زي التحكم في المواد الخام، التصنيع، تصميم المنتجات، والبيع.
البيضة الدهبية: حسب “شمس عباس”، استراتيجي أسهم في شركة “ثاندر لتداول الأوراق المالية”، كان لنقص علف الحيوانات في 2023 تأثير كبير على عمليات الشركة، اللي عرفت تستغل إنتاجها من العلف لدعم مبيعاتها.
