اشترك في كلابس مصر

مفيش دولارات لكروتك الجديدة

خبر بفلوس

بداية من 21 ديسمبر، البطاقات الائتمانية اللي بتصدر في مصر مش هتقدر تستخدم في عمليات الشراء بالعملات الأجنبية لمدة 6 شهور بعد إصدارها.

أصل الموضوع

البنوك المصرية طبقت قيود إضافية على البطاقات الائتمانية الجديدة عن طريق تعطيل استخدامها بالعملة الأجنبية (سواء من خلال الإنترنت أو من خارج البلاد) لمدة 6 شهور بعد الإصدار، أو لحين إشعار آخر.

دي آخر خطوات البنك المركزي المصري للحد من استنزاف الاحتياطيات الأجنبية. قبل كده، تم تعطيل التعامل بالعملة الأجنبية على بطاقات الخصم، وبعدين تم تخفيض الحدود المسموحة للبطاقات الائتمانية لـ250 دولار أمريكي (أو ما يعادل 7,750 جنيه مصري).

ليه ده مهم

البنك المركزي المصري يبدو إنه طلب شفهياً من البنوك تطبيق الإجراءات دي لتخفيف الضغط على الأصول الأجنبية للبلاد. الرد ده كان نتيجة زيادة إصدار البطاقات الائتمانية بعد تعليق المعاملات الأجنبية على بطاقات الخصم. على آخر أكتوبر، البنوك المصرية كانت سجلت عجز وصل 27.2 مليار دولار في صافي الأصول الأجنبية.

ودلوقتي

بعض الشركات العاملة في مصر (اللي بتستخدم مقدمي خدمات الدفع العالمية) بتدور دلوقتي على حلول ماتكونش بتخصم من عملائها بالدولار. وفيه شركات تانية معرضة لخسارة بعض خدمات البنية التحتية المهمة زي الإيميل، خدمات الاستضافة السحابية، وأدوات تانية بتكون اشتراكاتها بالدولار.

جوجل إدت لعملائها في مصر فترة سماح لمدفوعاتها لمدة شهرين في نوفمبر اللي فات علشان تساعد على تقليل التأثير ده.