اشترك في كلابس مصر

الإمارات وقطر مهتمين بالاستحواذ على شركات أدوية حكومية

خبر بفلوس
أفادت تقارير بإن الإمارات وقطر مهتمين بشركات أدوية حكومية.

أصل الموضوع
مصادر<المال> قالت إن في مفاوضات أولية للاستحواذ على حصة ممكن توصل لـ30% من شركتين تابعين لـ<هولدى فارما>. الشركتين هما <شركة التنمية للصناعات الكيميائية> و<الشركة المصرية لمستحضرات التجميل>.

بس مين <هولدى فارما>؟ <هولدى فارما> هي شركة حكومية بتملك 7 شركات أدوية محلية. على بعضهم الشركات الـ7 محتلين 6% بس من مبيعات الأدوية المحلية.

ليه ده مهم
شركات الأدوية المصرية بتواجه صعوبات نقص العملة الأجنبية. قلة سيولة الدولار (لاستيراد المواد الخام) مع شدة الإجراءات الرقابية على الأسعار خلت العمليات أصعب ومكلفة أكتر.

ودلوقتي
المستثمرين الأجانب ممكن يوفروا العملة الأجنبية اللي القطاع محتاجها بشدة.