اشترك في كلابس مصر

صافي ربح البنك المصري لتنمية الصادرات يرتفع بـ154% على أساس سنوي

ارتفاع صافي الدخل من الأتعاب والعمولات كان الأعلى

أصل الموضوع

امبارح، <البنك المصري لتنمية الصادرات> المعروف بـ<إي بانك> شارك نتايجه المالية لعام 2023.

صافي دخل الفوائد: بلغ 5.72 مليار جنيه في 2023، وده ارتفاع بـ79% على أساس سنوي.

هو الفرق بين دخل الفوايد اللي بيحصل عليه البنك من أنشطة الإقراض ومدفوعات الفايدة اللي بيدفعها البنك للمودعين
كل ما سعر الفايدة في مصر بيزيد كل ما متوقع إن الرقم ده يزيد

صافي الربح: صافي الربح المجمع في 2023 كان 3.4 مليار جنيه من 1.39 مليار جنيه في 2022، ودي زيادة بـ154% على أساس سنوي.

أعلى زيادة:

صافي الدخل من الأتعاب والعمولات كان 1.53 مليار جنيه في عام 2023 مقابل 583.8 مليون جنيه في عام 2022، ,دي كانت أعلى زيادة ملحوظة بنسبة 161% على أساس سنوي.

معلومة كلابس – صافي الدخل من الأتعاب والعمولات: صافي الدخل من الأتعاب والعمولات هو الربح اللي البنك بيحققه من الرسوم والعمولات زي صيانة الحسابات واستخدام الصراف الآلي وتحويلات الأموال، والعمولات المكتسبة من تيسير المعاملات المالية أو الاستثمارات للعملاء.
عادة بيزيد مع زيادة نشاط العملاء وإطلاق منتجات جديدة.