خبر بفلوس
أعلنت <الشركة القابضة المصرية الكويتية> عن قبول استقالة <شريف الزيات> من منصبه كرئيس تنفيذي في فبراير 1، 2024.
أصل الموضوع
الشركة قيمتها السوقية وصلت لـ48.79 مليار جنيه، و<الزيات> كان له دور كبير في نجاحها، حسب بيان الشركة.
- مساهمته كانت إيجابية على أداء الشركة المالي، واللي وصلت أرباحها لـ241 مليون دولار في 2022 من أصل 36 مليون دولار في 2015
- السنة اللي فاتت، الشركة وزعت أرباح بقيمة 150 مليون دولار، الأكبر في تاريخها.
ليه ده مهم
يوم الإعلان، سعر سهم الشركة قل بـ8.39% لـ44.26 جنيه. وامبارح، قل تاني بـ2.17% لـ43.30 جنيه.
العضو المنتدب الجديد
الشركة أعلنت عن تولي <جون روك> منصب العضو المنتدب. <روك> لعب أدوار إدارية مهمة في عدة قطاعات، منها الغاز والبترول والبتروكيماويات والبنية التحتية والنووي — وده بيتماشي مع مجالات عمل الشركات التابعة لـ<القابضة المصرية الكويتية>.
