خبر بفلوس
<الشركة المصرية للاتصالات> المدرجة بالبورصة وقعت مذكرة تفاهم علشان تبقي جزء من مشروع الكابل البحري <ICE IV>، حسب بيان الشركة.
أصل الموضوع
المشروع هو تعاون بين <المصرية للاتصالات>، و<شركة e&> الإماراتية، وشركة <Telin> الإندونيسية، وشركة اتصالات هندية. مشروع الكابل بيربط مراكز البيانات بين إندونيسيا وسنغافورة للهند وعمان ومصر والإمارات.
ليه ده مهم
المشروع ده يندرج تحت قطاع الجملة الخاص بـ<المصرية للاتصلات>، القطاع ده بيمثل 30% تقريباً من إجمالي إيرادات الشركة.
من الضروري إن يبقى فيه أنظمة كابلات بحرية جديدة لتلبية زيادة الطلب على خدمات البيانات الدولية، حسب بيان <المصرية للاتصالات>.
على فكرة
<المصرية للاتصالات> أعلنت عن المبادرة دي بعد إعلانها عن مبادرة بالتعاون مع <زين أومانتل الدولية> لإنشاء ممر رقمي جديد يربط البحر الأبيض المتوسط بالبحر العربي.
