خبر بفلوس
الحكومة قررت خفض الأموال المخصصة للاستثمارات الجديدة للدولة.
أصل الموضوع
مجلس الوزراء أعلن في بيان رسمي يوم الأربعاء إن ميزانية الاستثمار هتقل بنسبة 15% في السنة المالية 2023/2024، وهيتم تأجيل المشروعات الجديدة للدولة لحد 30 يونيو.
ليه ده مهم
الجهات الحكومية مبقاش مسموح لها تعمل أي اتفاقات تمويل خارجية أو مبادرات بتحتاج العملات الأجنبية. بس المشاريع الضرورية أو اللي تم إستكمالهم بنسبة %70 هيكملوا.
على فكرة
علشان فيه نقص في العملات الأجنبية، الحكومة بتخطط لخفض الإنفاق بالعملات الأجنبية وتعزيز مصادر توليد العملات الأجنبية زي الصادرات، والسياحة، وقناة السويس، وتحويلات المصريين بالخارج، والاستثمارات المباشرة الأجنبية.
