خبر بفلوس
<المصرية للاتصالات> المدرجة بالبورصة بقت أول شركة اتصالات في مصر عندها رخصة لشبكات الجيل الخامس (5G).
أصل الموضوع
بـ150 مليون دولار، الشركة بقي عندها رخصة لمدة 15 سنة إنها تشغل خدمات الجيل الخامس (5G)، حسب بيان من رئاسة الوزراء.
ليه ده مهم
الحصول على رخصة 5G بيدي للشركة ميزة تنافسية. والميزة دي هتبقي أقوى لو المنافسين معرفوش يشغلوا الـ5G في نفس الفترة، حسب كلام <عمرو حسين الألفي>، رئيس استراتيجيات الأسهم في <ثاندر لتداول الاوراق المالية>.
ودلوقتي
من المتوقع إن منافسين الشركة يحاولوا ياخدوا رخصة الـ5G دلوقتي، بالذات إن الدولة عندها استعداد لاستيعاب تشغيل عمليات الـ5G، حسب <انتربرايز>.
