اشترك في كلابس مصر

جهينة تعلن خفض أسعار منتجاتها بـ15-18% ضمن مبادرة خفض الأسعار

سعر السهم نزل بـ5.87% في أول جلسة بعد الخبر

أصل الموضوع:

أعلنت شركة “جهينة للصناعات الغذائية”، يوم الأربعاء، خفض أسعار منتجاتها. سجلت الألبان انخفاض وصل لـ18%. أما العصاير، فانخفضت بـ15%.

ليه ده مهم:

الشركة خدت الخطوة دي بعد ما اتفقت الحكومة مع المصنعين والموردين والتجار على خفض أسعار السلع الأساسية ب15-20% الأسبوع ده. تقدروا تعرفوا أكتر عن المبادرة هنا.

آخر زيادات:

في آخر أغسطس 2023، “جهينة” زوّدت أسعار بعض منتجاتها بـ7-22.5%، وده مع ارتفاع التكلفة التشغيلية خلال الفترة اللي فاتت بسبب نقص تدبير العملة الحاد ساعتها. وبعديها في سبتمبر وديسمبر رفعت أسعار بعض المنتجات، حسب تقرير من “مصراوي” بناءً على قوائم أسعار الشركة اللي اطّلعوا عليها.