اشترك في كلابس مصر

فاليو بتتطلع لطرح ما يصل لـ25% من أسهمها في البورصة المصرية خلال سنة

الربح ارتفع 10x

أصل الموضوع:

أعلنت “فاليو” — الرائدة في مجال التمويل الاستهلاكي و مملوكة لـ”مجموعة إي اف چي” — عن خططها لإدراج من 20% لـ25% من أسهمها في البورصة المصرية خلال 12 شهر في مقابلة مع “اقتصاد الشرق”.

ليه ده مهم:

الإدراج في البورصة هيسمح للمستثمرين إنهم يتعرضوا لسوق التمويل الاستهلاكي بشراء أسهم الشركة. كمان هتمكن السوق من تحديد قيمة “فاليو”، واللي ممكن يأثر على تقييم الخبراء للشركة الأم “إي إف جي”.

على فكرة:

ربح “فاليو” طار بـ900% على أساس سنوي من 23 مليون جنيه في 2022 لـ230 مليون جنيه في2023، والإيرادات اتضاعفت.
في المقابلة، الرئيس التنفيذي للشركة قال إن فاليو بتهدف تزود المبيعات علي المنصة بنسبة 40% السنه ديه لـ13 مليار جنيه من 9.3 مليار جنيه، والإيرادات لـ500 مليون جنيه في 2023.