اشترك في كلابس مصر

مصر هتحصل على تسهيلات قرض تجاري إسلامي بـ250 مليون دولار

خبر بفلوس

مصر هتحصل على تسهيلات قرض تجاري إسلامي بـ250 مليون دولار من <مؤسسة التمويل الإفريقية>، بالشراكة مع <المؤسسة الدولية الإسلامية لتمويل التجارة>.

أصل الموضوع

بيان لـ<مؤسسة التمويل الإفريقية> وضح إن المنحة دي لمدة سنة وهتتوزع بالتساوي بين <الهيئة المصرية العامة للبترول>، اللي الدولة بتملكها، و<الهيئة العامة للسلع التموينية>. وتخصصت الأموال لدعم مشتريات الوقود ومشتقات البترول، واستيراد سلع رئيسية زي القمح والدرة وزيوت الخضروات والسكر.

ليه ده مهم

ده مجرد جزء صغير من خطط <مؤسسة التمويل الإفريقية> في مصر. فمن المقرر إنها تستثمر مليار دولار، خصوصاً بعد ما رحبت بمصر كعضو مكتمل الدفع في 2022.

ودلوقتي

في حالياً خطط لمشاريع كتير من <مؤسسة التمويل الإفريقية> بيستهدف مجموعة متنوعة من القطاعات واللي من ضمنهم الطاقة المتجددة، والغاز الطبيعي، والصناعات الثقيلة، والتكنولوجيا، والاتصالات، والبنوك، والتمويل.