اشترك في كلابس مصر

مصر للألومنيوم بتراهن على الفويل والسلك

الشركة كشفت عن استثمار بـ100 مليون دولار قريب

أصل الموضوع:

شركة مصر للألومنيوم، المُدرجة في البورصة المصرية، كشفت عن خطط لإطلاق خط إنتاج فويل بتكلفة استثمارية تبلغ 100 مليون دولار، بطاقة إنتاجية تصل لـ50 ألف طن سنويًا، حسب ما صرح “محمود عجور”، المدير العام للشركة لجريدة “البورصة”. الشركة حالياً بصدد العمل على الدراسات النهائية للمشروع وبتتفاوض مع مستثمرين من أوروبا وروسيا والولايات المتحدة للمشاركة فيه. من المقرر كمان إنها تطلق خط إنتاج سلك الألومنيوم بتكلفة 15 مليون دولار بحلول 2025.

ليه ده مهم:

الموضوع مش بس هيساعد الشركة على التوسع، لأ، ده كمان تنويع وسيطرة على لعبة التصدير، لإنهم بيهدفوا لتصدير 50% من طاقتهم الإنتاجية.

ودلوقتي:

حاليًا، “مصر للألومنيوم” عندها طاقة إنتاجية تقدر بـ310 ألف طن عبر تشكيلات مختلفة، وبتهدف لزيادة أرباحها لحوالي 4.3 مليار جنيه في السنة المالية القادمة. لو بتفكر تقارن الأرباح دي بالسنة المالية اللي فاتت، فالنتائج لسة ما طلعتش.