اشترك في كلابس مصر

صافي دخل بي إنفستمنتس انخفض بـ47% في 2023

سنة مليئة بالتقلبات شهدت انخفاض في صافي الدخل

أصل الموضوع:

بي إنفستمنتس القابضة، المُدرجة في البورصة المصرية، مرت بسنة مليانة تحديات في 2023. صافي دخلهم انخفض لـ694 مليون جنيه، بتراجع قدره 48% على أساس سنوي.

السبب:

أرباح الشركة في 2022 كانت مرتفعة بفضل الحصول على 1.4 مليار جنيه من بيع شركة “جيزة سيستمز”. رحلتهم في 2023 مكانش فيها صفقات الكبيرة، مع انخفاض الإيرادات برضه بـ62% لـ569 مليون جنيه.

التفاصيل:

سجلت شركة “بي إنفستمنتس القابضة” صافي ربح مجمّع قدره 693.8 مليون جنيه في 2023، متراجعة من 1.33 مليار جنيه في 2022. جزء كبير من ربحها في 2023 – واللي بلغ 583 مليون جنيه – جاي من مكاسب تحويل العملة الأجنبية.

معلومة كلابس – مكاسب العملة الأجنبية:

لما تحتفظ الشركة بأصول أو تحقق إيرادات بعملة قوتها أعلى مقابل عملتها المحلية، بتحقق ربح ببساطة بسبب تحركات سعر الصرف. بالنسبة لـ”بي إنفستمنتس”، ده حصل بسبب تخفيض قيمة الجنيه السنة اللي فاتت.