اشترك في كلابس مصر

تابعة جى بى كورب هتحصل على تمويل بـ1.2 مليار جنيه لمصنعها في السادات

خبر بفلوس

<الشركة المصرية لتصنيع وسائل النقل – غبور مصر>، التابعة لـ<جي بي كورب> المدرجة في البورصة المصرية، هتحصل على تمويل مشترك بـ1.2 مليار جنيه لمصنعها في مدينة السادات.

أصل الموضوع

التمويل المشترك جي من تحالف مصرفي، يقوده <بنك مصر>، ومعاهم <إتش إس بي سي مصر>، و<بنك الاستثمار العربي>. وهدفه يغطي 60% من التكلفة الاستثمارية المقدرة للمشروع واللي هي حوالي 1.9 مليار جنيه.

معلومة كلابس

التمويل المشترك عبارة عن تعاون ما بين كذا طرف لتمويل مشروع معين. وده بيساعد في توزيع المخاطر المالية ومشاركة مسؤولية التمويل، وبالتالي غالبًا بيتيح استثمارات أكبر من اللي ممكن يوفره كل كيان لوحده.

ليه ده مهم

المشروع عبارة عن إنشاء وتطوير مصنع تجميع سيارات لعلامات تجارية مختلفة بمدينة السادات، وهيزود طاقة <غبور مصر> الإنتاجية من السيارات المجمعة محلياً، ويدعم خطتها في توفير وسائل النقل بمختلف أنواعها بالأسواق المحلية، حسب بيان صحفي لـ<بنك مصر>.