خبر بفلوس
عجز ميزان مصر التجاري غير النفطي قل بنسبة 22.6% في 2023 على أساس سنوي ووصل لـ37.1 مليار دولار.
معلومة كلابس – العجز التجاري
العجز التجاري بيحصل لما واردات الدولة تبقى أعلى من صادراتها، واللي بيؤدي لرصيد تجاري سلبي.
أصل الموضوع
عجز الميزان التجاري غير النفطي قل علشان الواردات قلت بـ11 مليار دولار. الانخفاض ده كان بسبب نقص الدولار، حسب مسؤول حكومي لـ<الشرق>.
بالإضافة لكده، الصادرات الرقمية زادت بنسبة 26.5% على أساس سنوي وبقت 6.2 مليار دولار في نفس الفترة، حسب بيان من وزارة الاتصالات، وده ساهم في انخفاض عجز الميزان التجاري.
معلومة كلابس – الصادرات الرقمية؟
الصادرات الرقمية بتبقي منتجات وخدمات غير مادية زي خدمة العملاء وبيع برامج الكمبيوتر.
ليه ده مهم
انخفاض عجز الميزان التجاري ممكن يخفف الضغط على نقص العملة الأجنبية، <عبدالخالق محمد>، عضو لجنة استراتيجيات الأسهم في <ثاندر لتداول الاوراق المالية> قال ل<كلابس>.
ودلوقتي
مصر تهدف انها تزود صادراتها بنسبة 20% سنوياً وتبقي 145 مليار دولار في 2030.
