خبر بفلوس
أرباح شركة <موبكو> ارتفعت في 2023 بنسبة 55.8% على أساس سنوي وكانت أكتر من الإيرادات حسب بيان الشركة.
صافي الربح > الإيرادات..؟
على الرغم من انخفاض إيرادات الشركة بنسبة 14.8% لـ5.96 مليار جنيه وانخفاض مجمل الربح بنسبة 24% لـ3.22 مليار جنيه على أساس سنوي — إلا إن صافي الربح ارتفع بنسبة 55.8% على أساس سنوي ووصل لـ5.97 مليار جنيه.
السبب الرئيسي كان أرباح فروق ترجمة الأرصدة بالعملات أجنبية، واللي ارتفعت بنسبة 8,508% على أساس سنوي لـ2.12 مليار جنيه.
معلومة كلابس – أرباح فروق ترجمة الأرصدة بالعملات الأجنبية
في السياق ده، الأرباح دي بتزيد لما يرتفع سعر صرف العملة الأجنبية و/أو ينخفض سعر صرف العملة المحلية.
مؤشرات مهمة تانية
- هامش مجمل الربح: بيمثل نسبة الإيرادات المتبقية بعد خصم تكاليف بيع السلع – تراجعت بنسبة 6.6%على أساس سنوي لـ54.1%
- أرباح التشغيل: يعتبر مؤشر على ربحية الشركة من عمليات أعمالها الأساسية — قلت بنسبة 25% على أساس سنوي لـ2.96 مليار جنيه
على فكرة
سعر سهم الشركة زاد بنسبة 2.06% امبارح بعد إعلان الأرباح، وبنسبة 18.97% من أول السنة دي.
