خبر بفلوس
تلات شركات حكومية هتستورد 600 ألف طن من غاز الإيثان سنويًا، حسب <الشرق>.
أصل الموضوع
شركة <سيدي كرير للبتروكيماويات – سيدبك> المدرجة في البورصة، بالإضافة لـ<الشركة المصرية لإنتاج الايثيلين و مشتقاته – إيثيدكو>، و<المصرية للغازات الطبيعية – جاسكو> بيخططوا لزيادة وارداتهم من غاز الإيثان لزيادة قدرتهم الإنتاجية قبل سنة 2028، مسؤول حكومي قال لـ<الشرق>.
ليه ده مهم
زيادة واردات غاز الإيثان هدفه يوصل الشركات التلاتة للطاقة القصوى في الإنتاج، حسب نفس المصدر.
علي فكرة
حالياً <سيدبك> المدرجة في البورصة بتشتغل بنسبة 90% من طاقتها الإنتاجية، و<إيثيدكو> بتشتغل بنسبة 85%. وبتوفر <جاسكو> 400 ألف طن من غاز الإيثان سنويًا، وده بيمثل 80% من احتياجات المصانع البتروكيماوية من المواد الخام لإنتاج الإيثيلين ومشتقاته.
