خبر بفلوس
<بريتيش بتروليوم – بي بي> و<شركة أبوظبي الوطنية للنفط – أدنوك> أعلنوا في بيان صحفي مشترك عن اتفاقهم على مشروع مشترك هيطور حقول الغاز الطبيعي في مصر.
أصل الموضوع
الاتفاق بينص إن <بي بي> تقدم ملكيتها في امتيازات الاستكشاف والتطوير للمشروع المشترك مقابل تمويل <أدنوك>. <بي بي> هتمتلك 51% من المشروع المشترك و<أدنوك> هتمتلك 49%.
معلومة كلابس – الامتيازات:
في السياق ده، الامتياز هو عقد من الحكومة لشركة بيسمح لها بالحصرية في استكشاف، تطوير، إنتاج، أو بيع الغاز الطبيعي المستخرج من منطقة أو حقل معين.
ليه ده مهم
المشروع المشترك المفروض يزود من إنتاج الغاز في مصر، وهيشارك فيه شركات حكومية بطبيعة الامتيازات المتضمنة.
تفاصيل الامتيازات:
- اتفاقيات استكشاف <شمال الفيروز> و<شمال الطبية> وBellatrix-Seti East
- <شروق> اللي فيها حقل <ظهر> وتديره شركة <بترول بلاعيم – بتروبل> – BP تمتلك 10%
- <شمال دمياط> اللي فيها حقل <آتول> وتديرها الشركة <الفرعونية للبترول> – BP تمتلك 100%
- <شمال البرج> اللي فيها حقل <ساتيس> غير المطور وتديرها الشركة <الفرعونية للبترول> – BP تمتلك 50%
ودلوقتي
هيتم تشكيل المشروع المشترك في النص التاني السنة دي بعد الحصول على الموافقات والتصاريح الرسمية.
