خبر بفلوس
المنطقة الاقتصادية لقناة السويس وقعت اتفاقية مع شركة هينيواي الصينية بقيمة 50 مليون دولار علشان تبني مصنع، حسب بيان من الحكومة.
أصل الموضوع
الشركة ليها عملاء زي Samsonite, Swiss Gear, Delsea، و Travelite وهتبني مصنع علي مساحة 120 ألف كيلومتر مربع في منطقة القنطرة غرب الصناعية وهتبدأ تصنيع في أول ربع من 2025.
ليه ده مهم
المصنع هيوفر 2,000 فرصة عمل. وكاستثمار أجنبي مباشر الـ50 مليون دولار، مع الاستثمارات التانية في المنطقة الصناعية اللي مجموعها 1.07 مليار دولار، هيساعد نقص العملة الأجنبية. الزيادة دي في الانتاج هتساعد في تغطية احتياجات السوق المحلي وكمان هتزود صافي الصادرات.
علي فكرة
وليد جمال الدين، رئيس مجلس الإدارة للمنطقة الاقتصادية لقناة السويس، قال إن منطقة القنطرة غرب الصناعية تضم في مرحلتها الأولى 11 مشروع وإن اتفاقية المصنع جزء من سلسلة اتفاقيات بين المنطقة الاقتصادية والمستثمرين الصينيين.
في أول مرحلة للمنطقة الصناعية، في 11 مشروع اتنفذوا في صناعات مختلفة زي الملابس الرياضية، الأجهزة الطبية، المنسوجات وصناعات تانية كتير. وده دليل على إنها اكتسبت ثقة المستثمرين بسرعة وده هيأدي لخلق 20 ألف فرصة عمل.
