Subscribe to Egypt Claps
قدم رئيس الوزراء وباقي أعضاء الحكومة استقالتهم كجزء من عملية تشكيل الحكومة الجديدة.
إعلان مهم قبل ما نبدأ: مساهمي شركة القلعة القابضة هيكون عندهم فرصة للمشاركة في المرحلة الأولى من استراتيجية إعادة شراء الديون للشركة لغاية يوم الأربع، الموافق 5 يونيو.
هل مصر هترفع سعر السكر المدعم؟
الخبر:
وزارة التموين المصرية بتدرس تزويد سعر السكر المدعم من 12.6 جنيه للكيلو ل 18 جنيه حسب ما ذكره الوزيرعلي المصيلحي لقناة CNBC عربية.
السبب:
الحكومة بتتغرم حاليًا 23 جنيه لإنتاج كيلو السكر المدعم، المصيلحي قال.
بالأرقام:
في 2023، وصل معدل استهلاك السكر في مصر أكثر من 3 مليون طن سنويًا، منهم حوالي مليون طن مخصصين لحاملي بطاقات التموين.
فجوة العرض:
مصر بتنتج 2.8 مليون طن من السكر في السنة. بعد تصدير جزء من الإنتاج المحلي، بيبقي عندنا فجوة تصل لحوالي 600,000 طن بين الإنتاج والاستهلاك اعتبارًا من معدلات السنة الفاتت.
نقص الكميات أدى لارتفاع كبير في الأسعار:
بعد انتهاء موسم زراعة و حصاد البنجر السكري السنة الفاتت، كان في نقص حاد في احتياطي السكر المحلي و ده أدى لارتفاع سعر السلعة بنسبة 275% على أساس سنوي.
تم تصنيف السكر كسلعة استراتيجية في بداية 2024:
أدرج مجلس الوزراء السكر كسلعة استراتيجية في يناير وفرض قيود على التجار لمنع احتكاره. في مارس إللي فات الحكومة مددت حظرها لتصدير السكر لغاية يونيو من 2024 عشان تعزز الاحتياطيات الوطنية.
الموقف الحالي:
في مارس شركات السكر المملوكة للدولة زودت أسعار أسعار تسليم السكر الحر للقطاع التجاري بنسبة 33%، و ده أدى لارتفاع سعر المستهلك النهائي ل 35 جنيه للكيلوفي المنافذ الحكومية. في نفس الوقت منتجين السكر في القطاع الخاص رفعو أسعارهم ل 55 جنيه للكيلو بسبب نقص العرض. على الرغم من ارتفاع الأسعار، الحكومة بتقول إنها عندها إمدادات سكر ستستمر تكفي لغاية فبراير 2025.
افتكر – الخبر جاي بعد ما الحكومة رفعت سعر الخبز المدعم و بعد كلام انها بتخطط تزود أسعار الكهربا:
في أخر الشهر إللي فات، حددت الحكومة المصرية سعر الجديد للخبز المدعم عند 0.20 جنيه بزيادة 4 أضعاف عن السعر الحالي اللي مكنش اتغير لمدة ٣٠ سنة أبلها. الحكومة بتخطط برضو تزود أسعار الكهرباء من أول يوليو بنسبة تصل لحوالي 20%, ذي ما كتبنا الاسبوع إللي فات.
شركة إلكترا الإماراتية بدأت تستحوذ على أسهم في السويدي
الخبر:
بدأت الكترا للاستثمار القابضة شراء أسهم في شركة السويدي إليكتريك بسعر 1.05 دولار (49.58 جنيه مصري) للسهم، وهتستمر في الاستحواذ على حصص لغاية 9 يوليو، حسب بيان للهيئة العامة للرقابة المالية.
افتكر:
وافقت الهيئة العامة للرقابة المالية الأسبوع إلي فات على عرض الشركة الإماراتية لشراء حصة تتراوح بين 15% ل 24.50% في السويدي. ارتفع سهم الشركة المقيدة بالبورصة المصرية بنسبة 0.47% ل 44.51 جنيه لما السوق قفل يوم الخميس.
الأهمية:
بيمثل عرض شركة الكترا زيادة 11.37% عن سعر سهم شركة السويدي إليكتريك اللي وصل ل44.51 جنيه (0.94 دولار) قبل نهاية الأسبوع اللي فات، حسب حسبت. إذا استحوذت الكترا على حصة 24.5% في السويدي، قيمة الصفقة هتوصل ل 558.4 مليون دولار،حسب حسبة انتربريز. زاد سهم الشركة بنسبة 0.47% ل 44.51 جنيه مصري بعد خبر موافقة الهيئة على خطة الإستحواذ.
المستشارين:
إي إف جي هيرميس شغالة ك المستشار مالي الوحيد لشركة إلكترا ، و شركة MHR & Partners وWhite & Case بدور المستشارين القانونيين . في نفس الوقت، هتقوم شركة BDO Keys Financial Consulting بإعداد تقييم مالي ل السويدي إليكتريك قبل إتمام الصفقة.
ايه تاني بيحصل؟
بتدرس شركة تَوال، التابعة لصندوق الاستثمارات العامة السعودي والمتخصصة في البنية التحتية للاتصالات، شراء عدد من أبراج الاتصالات من شركة فودافون مصر وشركة اتصالات تانية متذكرش اسمها، البورصة كتبت. فودافون عوذة بيع 5000 من ال 11000 برج بتوعها.
- الشركة المصرية للاتصالات بتقول انها متلقتش إنها لم أي عروض من تَوال بخصوص شراء أبراج اتصالات، لكن هي ذي فودافون بتدرس بيع جزء من أبراجها و شغالة دلوقتي على تحديد قيمة أصولها.
أخبار البترول:
الشركة القابضة لكهرباء مصر المملوكة للدولة أخدت قرض ب 51 مليار جنيه من خمس بنوك عشان تخفض جزء من ديونها لوزارة البترول. الشركة مسؤولة عن جميع محطات الطاقة ونقلها وتوزيعها في مصر و إتراكم عليها ديون بقيمة 200 مليون جنيه لوزارة البترول في نهاية مارس.
هتضخ شركة شمال البترول الدولية – الشركة المصرية المملوكة بالكامل من شركة تشن هوا أويل الصينية – مبلغ 78 مليون دولار عشان تزود إنتاج البترول من امتياز شرق غزالا في الصحراء الغربية.
اشترت شركة هاربور إنرجي البريطانية امتيازات الغازبتاعت نظيرتها الألمانية ونترشال ديا في دلتا النيل والبحر الأبيض.
على الصعيد الإقليمي، اتفق أعضاء أوبك+ على تمديد تخفيضات النفط العميقة – 3.66 مليون برميل يوميًا – حتى عام 2025 في ظل ضعف نمو الطلب،ارتفاع أسعار الفائدة، وزيادة المنافسة من الإنتاج الأمريكي. هستستمر التخفيضات الطوعية البالغة 2.2 مليون برميل يوميًا لغاية نهاية سبتمبر.
Latest CLAPS
