اشترك في كلابس مصر
نتمني تكونو قضيتو اجازة نهاية أسبوع جميلة. عندنا أخبار النهاردة عن تحركات شركة التعمير والإسكان للاستحواذ على أراضي لمشاريع جديدة، وعن شغل الحكومة على إطار جديد للسياسة الضريبية، وأكتر. يلا نبدأ.
الخبر:
وزارة المالية شغالة على تحديث السياسة الضريبية للدولة تحت هدف لجذب استثمارات محلية والأجنبية أكتر وجمع 2 تريليون جنيه من إيرادات ضريبية خلال العام المالي الحالي، إنتربرايز كتبت نقلاً عن مصدر حكومي.
التأثير المتوقع:
الإطار الجديد متوقع يكون جاهزاً في الربع الأول من 2025، و يحقق إيرادات ضريبية تصل ل 100 مليار جنيه أول ما يطبق. ده هيكون بفضل دمج أجزاء من الاقتصاد غير الرسمي وتشجيع استثمارات إضافية، إنتربرايز كتبت.
اهتمام خاص بالاستثمارات الأجنبية:
نسبة ضريبة الدخل للشركات في مصر 22.5% . ده أقل من المتوسط العالمي البالغ 23.37٪، و الحكومة بتخطط للحفاظ على الميزة التنافسية دي عشان تجذب كميات أكبر من المستثمرين الأجانب، المصدر وضح.
التعمير والإسكان مخصصة 16 مليار جنيه لشراء أراضي جديدة
الخبر:
شركة هليوبوليس للإسكان والتعمير (HHD) بتتفاوض مع هيئة المجتمعات العمرانية الجديدة لشراء قطعتين أرض، وحدة منهم في حدائق العاصمة القاهرة بالقرب من العاصمة الإدارية الجديدة، والتانية في مدينة سفنكس الجديدة غرب القاهرة. وحدة من الاراضي المستهدفة مساحتها 800 فدان، والتانية 600 فدان.
القيمة:
الشركة بتستعد لإتمام واحدة من صفقات الاستحواذ بقيمة تصل ل 16 مليار جنيه قريب، المدير التنفيذي للشركة سامح حمودة قال في مقابلة مع إقتصاد الشرق.
مش أول مشروع كبير سمعنا عنه قريب من HHD:
الشركة — اللي حققت أرباح صافية 750 مليون جنيه في الربع الأول — بتتعاون مع شركة مدينة مصر على مشروع سكني جديد مساحته 491 فدان في هليوبوليس الجديدة متوقع حقق إيرادات تصل ل 194.67 مليار جنيه.
في أكتر متخطط:
الشركة متوقعة تحقق إيرادات مضمونة تصل ل 130 مليار جنيه على مدى ال15 سنة الجايين. HHD حالياً تمتلك مخزون وحدات السكنية بإيرادات بيع 1.3 مليار جنيه وهيتم طرحهم على مراحل خلال 2024.
ايه تاني بيحصل؟
متوقع أن يتوسع الناتج المحلي الإجمالي لمصر بنسبة 4.0٪ خلال العام المالي الحالي، وفق رويترز عن استطلاع ل17 اقتصادي. ده يقل 0.2٪ عن توقعات الحكومة و أقل بنسبة 0.1% أقل عن توقعات صندوق النقد الدولي للعام المالي 2024-2025.
شركة لوتس للتنمية والاستثمار الزراعي— اللي انتقلت من سوق الشركات الصغيرة والمتوسطة في البورصة ل البورصة الرئيسية الإسبوع اللي فات – ناوية تستثمر 350 مليون جنيه لغاية الربع الأول من 2025 فى عمليات استصلاح أراضى جديدة.
اخر الاخبار
