Subscribe to Egypt Claps
في عدد النهاردة عندنا أخبار عن أداء البنك التجاري الدولي (CIB)، شركة عبور لاند، وماريدايف، وأخبار عن تلت مشاريع عقارية جديدة من كذا شركة منهم بالم هيلز.
CIB رفعت أرباحها 96% على أساس سنوي في النص الأول من 2024
الخبر:
أكبر بنك خاص في مصر، البنك التجاري الدولي (CIB)، شاف أفضل نص ليه لغاية دلوقتي في 2024. البنك ذود دخله الصافي في الربع التاني والنص الأول من 2024 بنسبة 96% على أساس سنوي، مسجلاً 15.6 مليار جنيه 25.7 مليار جنيه على التوالي الثاني بفضل زيادة في الإيرادات والقروض.
الإيرادات:
قفزت إيرادات البنك بنسبة 81% على أساس سنوي ل 24.4 مليار جنيه في الربع الثاني، و82% على أساس سنوي ل 46.3 مليار جنيه في النص الأول.
القروض:
خلال النص الأول، زادت إجمالي محفظة القروض بتاعت البنك التجاري الدولي بنسبة 24% لتصل ل 331 مليار جنيه، وفنس الوقت ارتفعت الودائع بنسبة 27% على أساس سنوي ل 858 مليار جنيه.
العائد على متوسط حقوق المساهمين:
ارتفع العائد على متوسط حقوق المساهمين للبنك – إللي بيقيس كفاءة تحقيق الأرباح على الأسهم اللي بيستثمرها المساهمين – في الربع الثاني ل 56.8% و52.5% إجمالياً في النصف الأول من 2024.
عبور لاند ضاعفت أرباحها تقريباً في النص الأول من 2024
الخبر:
زودت شركة عبور لاند للصناعات الغذائية (OLFI) أرباحها بنسبة 99.4% على أساس سنوي ل 422.91 مليون جنيه في النص الأول من السنة.
الإيرادات:
رفعت الشركة إيراداتها بنسبة 29.7% على أساس سنوي ل 3.834 مليار جنيه.
بعد أداء قوي في الربع الأول:
في شهر مايو، أعلنت OlFI انها علت صافي دخلها ل 157 مليون جنيه خلال التلت شهور المنتهية في مارس، و إيراداتها زادت بنسبة 18.36% على أساس سنوي ل 1.74 مليار جنيه خلال نفس الفترة.
الخبر:
وقعت شركة بالم هيلز للتطوير والتنمية العقارية وشركة الشرق الأوسط للتنمية العقارية والاستثمار العقاري على اتفاقين منفصلين مع أركو مصر لتطوير مشروعين، واحد منهم في الساحل الشمالي والتاني في مدينة 6 أكتوبر، حسب إقتصاد الشرق.
أركو؟
أركو أتأسست في عام 2005 على يد رجال الأعمال السعوديين حسن الشبوكشي وفهد الشبوكشي. محفظة مشاريعها بتضم مشاريع في مرسى علم ومدينة 6 أكتوبر والقاهرة الجديدة والساحل الشمالي.
الساحل الشمالي الاول:
المشروع الأول، إللي هتنفذو شركة الشرق الأوسط للتنمية، هيمتد على مساحة 734 فدان في الساحل الشمالي على أرض مملوكة ل أركو مقابل 65% من الإيرادات المستهدفة اللي حالياً مقدرة بحوالي 200 مليار جنيه على مدى 12 سنة.
بعدين مشروع 6 أكتوبر:
هتقوم بالم هيلز بتطوير مشروع سكني على أرض مملوكة ل أركو على مساحة 56 فدان .على الرغم من أن الإيرادات المتوقعة للمشروع لسه متمش الكشف عنها، بالم هيلز متوقع تحصل على نسبة 65% مقابل التنفيذ، الشرق ذكرت.
في أخبار تانية عن العقارات:
وقعت مدينة مصر اتفاقية مع ميدار للاستثمار والتنمية العمرانية لتطوير مشروع سكني مشترك على مساحة 238 فدان في مدينة المستقبل.
الخبر:
الحكومة حالياً بتدرس زيادة بنسبة 30% في سعر الأسمدة المدعمة اللي بتروح للفلاحين لتصل لحوالي 6250 جنيه للطن. ده في محاولة لمواجهة زيادة تكاليف الإنتاج الناتجة عن نقص الغاز مؤخراً،إقتصاد الشرق كتبت نقلاً عن مصدر حكومي متمش ذكر إسمه
افتكر:
شركات الأسمدة قفلت مصانعها مرتين الشهر إلي فات بسبب انخفاض إمدادات الغاز، وده أدى لخسائر بمئات الملايين يومياً.
إيه كان التأثير؟
إغلاق المصانع و كمان تراجع قيمة الجنيه المصري – عشان منتجي الأسمدة يتحملوا تكلفة المواد الخام بالدولار بما يعادل الجنيه المصري – أدى لارتفاع أسعار الأسمدة بشكل كبير. الفجوة في الأسعار بين الأسمدة المدعمة وغير المدعمة دلوقتي حوالي 5 أضعاف، و سعر الطن في السوق السوداء وصل لحوالي 25000 جنيه.
اخبار تانية
بتخطط شركة بنيان للتطوير العقاري – المملوكة لشركة كومباس كابيتال – لإدراج أسهم في البورصة المصرية بقيمة 120 مليون دولار على أخر ٢٠٢٤. من المتوقع سي آي كابيتال وأرقام كابيتال يديرو الصفقة.
سجلت شركة الخدمات الملاحية والبترولية “ماريدايف” زيادة 151.9% في صافي دخل على أساس سنوي في الربع الأول من 2024 ل 20.37 مليون دولار (حوالي 986.8 مليون جنيه). خلال نفس الفترة، زادت إيرادات التشغيل للشركة بنسبة 35.9٪ على أساس سنوي ل 56.1 مليون دولار (حوالي 2.7 مليار جنيه).
Latest CLAPS
