التفاصيل:

رئيس الوزراء مصطفى مدبولي عرض قدام مجلس النواب خطة حكومته للتلت سنين الجايين، وركز على كذا محور للحكومة الجديدة: خلق اقتصاد تنافسي جاذب للاستثمارات، حماية الأمن القومي والعلاقات الخارجية، وتحسين مستوى معيشة المصريين. طبقًا للدستور المصري، البرلمان هيقوم بمراجعة برنامج الحكومة عشان يحددوا إذا كانوا هيدعموا الفريق الجديد ولا لأ.

الأهداف الاقتصادية:

في السنة الأولى من الإدارة الجديدة، في هدف لرفع نمو الناتج المحلي الإجمالي لـ 4.2%، وبيستهدفوا توسع بمعدل 5% على مدار فترة التلت سنين. لو تفتكرو،  البنك الدولي كمان توقع نمو 4.2% للسنة المالية 2024-2025، لكن عكس الحكومة توقع زيادة 4.6% بس للسنة اللي بعدها. 

الحكومة كمان عايزة إن القطاع الخاص يكون مسؤول عن 60-65% من إجمالي الاستثمارات بحلول 2030، وعايزة تعزز تدفق الاستثمار الأجنبي المباشر بنسبة 14% في السنة.

الأولوية هتبقى لقطاعات معينة:

الحكومة هتركز بشكل خاص على صناعات الاتصالات وتكنولوجيا المعلومات والزراعة، وبتستهدف إنهم يمثلوا 38% من الناتج المحلي الإجمالي على 2027.

وكمان

مدبولي حدد هدف لزيادة نمو الصادرات السنوي لأكتر من 15%.

إزاي ده هيتحقق؟

الحكومة الجديدة سبع ممرات لوجستية متصلة عشان تربط مراكز التصنيع والزراعة والتعدين والخدمات بالموانئ البحرية بشكل فعال من خلال الموانئ الجافة والمناطق اللوجستية المتكاملة. مصر هتبني أرصفة إضافية في الموانئ البحرية عشان توسع إجمالي طول الأرصفة لـ 100 كيلومتر، وهتعزز القوات البحرية المصرية عشان تنقل 20 مليون طن من البضائع سنوياً.

أهداف تانية:

الحكومة بتستهدف زيادة الإيرادات العامة بمعدل 16% سنويًا لحد السنة المالية المنتهية في 2027.

وبعدين الطاقة:

تأمين وتنويع موارد الطاقة التقليدية والمتجددة هيكون أولوية للحكومة الجديدة. مصر عايزة الطاقة المتجددة تمثل 42% من مزيج الطاقة الوطني على 2030، وبتستهدف نسبة 58% بحلول 2040 . ده عشان تقلل  انبعاثتها الكربونية وتخفف تأثير تراجع احتياطيات الغاز.

وأخيرًا، التعليم:

الحكومة الجديدة هتركز على إنشاء مدارس أكتر في المناطق المزدحمة والمناطق النائية، وبتستهدف بناء أكتر من 60 مدرسة فنية بمساعدة القطاع الخاص.