خبر بفلوس
صافي أرباح إيديتا حققت قفزة بنسبة 92.9% على أساس سنوي (الضعف تقريبًا) خلال 2022، ونجحت في تسجيل 959.4 مليون جنيه.
أصل الموضوع
إيرادات الشركة كمان سجلت زيادة كبيرة خلال نفس الفترة بنمو سنوي 50% لتصل إلى 7.7 مليار جنيه، ودة كان بفضل ارتفاع متوسط أسعار البيع بنسبة 19.6% خلال 2022.
ليه دة مهم
الشركة قالت إن بالرغم من رفعها للأسعار نتيجة زيادة تكلفة الإنتاج، إلا إن دة لم يؤثر على كمية المبيعات اللي، وعلى عكس المتوقع، شهدت زيادة بنسبة 22%.
ودلوقتي؟
وبما إن المحللين بيتوقعوا استمرار ارتفاع مستوى التضخم في مصر، فياترى لغاية امتى إيديتا هتستمر في رفع أسعار منتجاتها، مع عدم تأثر حجم مبيعاتها بالسلب؟
تقدر تلاقي سهم شركة إيديتا في قايمة “قاوم التضخم” على ثاندر، واللي بتضم الشركات القادرة على مواجهة التحديات التضخمية.
لقراءة بيان أرباح إيديتا، إضغط هنا.
