خبر بفلوس
أعلنت الحكومة حظر تصدير السكر بكل أنواعه لمدة 3 شهور، باستثناء الكميات اللي هتفيض عن حاجة الاستهلاك المحلي، واللي هتقدرها وزارة التموين.
أصل الموضوع
بحسب المصادر، القرار صدر علشان احتياطي مصر من السكر يكون في أمان، سواء هيتم استخدامه بشكل مباشر أو هيدخل في الإنتاج الصناعي (عسل إسود، حلاوة).
ليه دة مهم
المصادر قالت إن التصدير بيحقق عوائد أعلى للشركات، ودة بسبب ارتفاع أسعار السكر عالميًا وانخفاض قيمة الجنيه قصاد الدولار، وعلشان كدة القرار كان مهم لتأمين الاحتياجات المحلية.
ودلوقتي؟
الشركات اللي عندها رغبة في تصدير السكر لازم تحصل على موافقة وزارة الصناعة.
