أصل الموضوع
الحكومة جمّعت 685 مليون دولار من المرحلة التانية لمبادرة استيراد سيارات المصريين في الخارج من ساعة إطلاقها في آخر أكتوبر اللي فاتت.
حسب ما رئيس مصلحة الجمارك المصرية الشحات الغتوري قال لـ”اقتصاد الشرق”، أوامر الدفع وصلت لـ1.6 مليار دولار بنهاية الأسبوع اللي فات، في حين بلغ إجمالي عدد المسجلين على المنظومة 464 ألف.
لحظة، والمرحلة الأولى؟
المرحلة الأولى جمعت حوالي 900 مليون دولار، في مدة 5 شهور برضه.
القصة من الأول
المبادرة بتعفي السيارات المستوردة من الضرائب والرسوم مقابل وديعة في البنك المركزي المصري بالعملة الصعبة لمدة 5 سنوات، بياخدها صاحب طلب الاستيراد بعد كدة بالجنيه بسعر صرف وقت الاسترداد. المرحلة الثانية من المبادرة شروطها كانت أسهل، وهتنتهي في 29 أبريل اللي جاي.
ليه ده مهم
لإنه بيساهم لحل أزمة نقص الدولار اللي مصر بتواجهها، والهدف جمع حوالي 2 مليار دولار، حسب تصريحات سابقة لوزير المالية محمد معيط.
