خبر بفلوس
مؤشر مديري المشتريات مستمر في الانكماش بعد تسجيل 46.7 نقطة في مارس 2023، بانخفاض بسيط عن المستوى اللي سجله في فبراير 2023 بـ 46.9 نقطة.
لازم تعرف
لو المؤشر فوق مستوى 50، فدة بيدل على توسع القطاع الخاص غير النفطي، أما لو نزل تحت 50 نقطة، دة بيشيرلإنكماش.
أصل الموضوع
خلال مارس 2023، القطاع الخاص غير النفطي شهد تراجع كبير في حجم الإنتاج وزيادة في التكاليف، والتقرير أرجع دة لصعوبة الحصول على مستلزمات الإنتاج بسبب القيود على الاستيراد والتقلبات في سعر الصرف، دة بالإضافة لمستوي التضخم الكبير.
ليه دة مهم
المستثمرين ممكن يستخدموا مؤشر مديري المشتريات علشان يقدروا ياخدوا قراراتهم الاستثمارية، دة لإن المؤشر بيدي علامات على الاتجاه اللي الاقتصاد هيكون عليه في المستقبل.
ودلوقتي؟
التقرير قال إن الشركات أظهرت تفاؤل بالمناخ الاقتصادي في المستقبل.
