الخبر:

واحدة من أكبر شركات الأسمدة في مصر – سيدي كرير للبتروكيماويات (سيدبك) فتحت أبواب مصانعها تاني، وبدأت الإنتاج تدريجيًا بعد ما كنت قفلت للمرة التانية الشهر ده بسبب نقص إمدادات الغاز اللي خلّى شركات تانية زي أبو قير للأسمدة، وموبكو، وكيما توقف إنتاج برضو.

الخساير:

التقارير اللي إتنشرت امبارح قالت إن توقف العمليات في الشركات أدت لخساير يوميه  وصلت لـ 187 مليون جنيه، تحملت منها أبو قير أكبر نصيب (65.54 مليون جنيه)،  بعديها موبكو 58.8 مليون، وسيدبك في المرتبة التالتة 42.12 مليون، وكيما 18.66 مليون.

رد فعل السوق على إعادة تشغيل سيدبك:

سعر سهم الشركة زاد 1.76% مع إغلاق السوق امبارح.

 و في أخبار غاز تانية -مصر منحت بالكامل 20 شحنة 

في أكبر مناقصة للغاز الطبيعي المسال من سنين:

ده بيضيف ثلاث شحنات أكتر على الـ 17 شحنة إلي كان جلنا تقارير عنهم قبل كده في محاولة   كجزء  men محولة تلبية الطلب المحلي المتزايد، حسب ما قالت رويترز.

العروض للمناقصة – اللي تم منحها بعلاوة بين 1.60-1.90 دولارعلاوة لكل مليون وحدة حرارية بريطانية على سعر الغاز في مركز تي تي إف الهولندي – تم استلامها من أكتر من 15 شركة كبيرة، وتم منح كل الشحنات بشروط دفع مؤجلة لمدة 180 يوم.

إفتكرو:

استراتيجية الاستيراد – اللي متوقع إنها تبلغ حوالي 120 مليون دولار في الشهر لكل تلت شحنات -جاية بعد تنفيذ  استراتيجية حكومية  لقطع الكهرباء لمدة ساعة يومياً في محاولة لتوفير حوالي 300 مليون دولار في الشهر.

بس جه الوقت نلاقي مصادر بديلة عشان نقص الغاز بقى العادي:

عشان تتأقلم مع الواقع الجديد، مجلس إدارة أبو قير للأسمدة وافق امبارح على مشروع لاستخدام الهيدروجين جزئياً بدلً  الغاز الطبيعي، وكمان وافق على إنشاء محطة شمسية جديدة بقدرة 2.5 ميجاوات.