خبر بفلوس
شركة الجيوشي للصلب بتخطط للطرح في البورصة المصرية في 2024، دة بحسب اللي قاله الرئيس التنفيذي للشركة لجريدة البورصة.
أصل الموضوع
الجيوشي للصلب، عايزة تطرح 30% من راس مالها في البورصة خلال السنة الجاية، ودة علشان تتوسع في أسواق تانية عربية وأفريقية.
الشركة اللي كانت متخصصة في توزيع مواد البناء كانت مخططة للطرح في 2020، ولكن تحديات السوق اللي حصلت بسبب وباء كوفيد 19 أدت لتأجيل الخطة لغاية ما السوق يكون أحسن.
ليه دة مهم
الرئيس التنفيذي للشركة بيعتبر إن صناعة الصلب في مصر واحدة من أكتر القطاعات الواعدة، بسبب زيادة طلب الأسواق الخارجية.
ودلوقتي؟
الجيوشي لو اتطرحت هتكون خامس شركة للصلب في البورصة، مع شركات: حديد عز، العز الدخيلة، الحديد والصلب المصرية ومصر الوطنية للصلب”عتاقة”.
