اشترك في كلابس مصر

سندات مصر في قائمة توصيات

خبر بفلوس
<مورجان ستانلي> وصت بسندات بالدولار من 8 دول، ومن ضمنهم مصر في 2024.

أصل الموضوع
البنك الاستثماري الأمريكي بيتوقع إن السندات دي تتفوق على مستوياتها الحالية.

قيمة سندات مصر بالدولار المستحقة في مايو 2050 وصلت لـ58 سنت للدولار في الأربعاء، 29 نوفمبر.

معلومة كلابس
سنت للدولار معناه إن السندات بتتداول بخصم عن قيمتها الأصلية. لما السندات تتداول بخصم، ده معناه إن المستثمرين بيبيعوها بسعر أقل بشكل كبير، نتيجة لمخاوف من تخلف عن السداد.

ومع ذلك، العائد على السندات دي بيزيد، وده بيقدم إمكانيات كبيرة لتحقيق مكاسب مرتفعة نظرًا لارتفاع مخاطر التخلف عن السداد.

ليه ده مهم
بعد انتهاء انتخابات الرئاسة في مصر، في احتمال كبير لاستئناف الإصلاحات اللي بدورها هتعدل سعر الصرف وترفع أسعار الفايدة، وفقًا لشرح <مورجان ستانلي>.

على فكرة
جنوب أفريقيا والأردن وأنغولا والسلفادور وغانا وفنزويلا في قايمة السندات السيادية الموصى بيها.