خبر بفلوس
في خلال الـ 9 شهور الأولي من 2022، نجحت شركة دايس في التحول للربحية وتحقيق 81 مليون جنيه، مقارنة بخساير 16 مليون جنيه خلال نفس الفترة من 2021.
أصل الموضوع
مبيعات الشركة سجلت زيادة بنسبة 32% على أساس سنوي، ووصلت لـ 1.3 مليار جنيه.
ليه دة مهم
جمال جورج، مدير علاقات المستثمرين في الشركة قال إن السبب الأساسي في التحول للربحية هو زيادة الأسعار، اللي الشركة قامت بيها لمواجهة التكاليف والمواد الخام المرتفعة.
ودلوقتي؟
أكتر حاجة ساهمت في مبيعات دايس خلال الفترة دي كان التصدير، واللي نتج عنه لوحده 933 مليون جنيه.
