خبر بفلوس
صرحت مصادر إنه فيه حاليًا صندوق سيادي خليجي، لم يتم تحديده، وشركة صينية بيدرسوا الاستحواذ على حصة الأقلية من شركة السويدي إليكتريك.
أصل الموضوع
المصادر أضافت إن الصندوق الخليجي والشركة الصينية بيبحثوا مع المستشارين الماليين لو كان هيتم شراء الحصة دي من خلال آلية الصفقات ذات الحجم الكبير، أو من خلال عرض شراء.
لازم تعرف
الصفقات ذات الحجم الكبير هي الصفقات اللي قيمتها بتزيد عن متوسط حجم التداول للسهم في اليوم الواحد.
ليه دة مهم
المصادر قالت إن اهتمام الصندوق الخليجي بالاستثمار في السويدي إليكتريك هو بسبب توقعات الزيادة في أسعار النحاس خلال السنة دي، بالإضافة لتوسع الشركة في توليد الطاقة المتجددة، وهي المجالات اللي الصندوق مهتم بيها في الفترة الحالية.
ودلوقتي؟
شركة السويدي إليكتريك قالت إنه لم يصلها عرض رسمي لغاية دلوقتي، ولكن سهم الشركة ارتفع إمبارح بنسبة 5.8% على إثر الخبر.
