خبر بفلوس
رغم إن الجنيه المصري كان أكتر عملة تراجعت في العالم خلال الربع الأخير من 2022، إلا إن المحللين مازالوا متوقعين صعوبات أكتر هتمر على الجنيه خلال الفترة اللي جاية.
أصل الموضوع
بنك “نومورا” الياباني توقع إن الجنيه المصري هيكون أكتر عملة معرضة للأزمات خلال 2023، أما بنك “إتش إس بي سي” بيتوقع دلوقتي اتجاه الجنيه للاستقرار عند 26 جنيه للدولار.
ليه دة مهم
في محللين بيقولوا إن الجنيه هيفضل تحت ضغط لغاية ما الدول الخليجية الحليفة لمصر تضخ المزيد من “التدفقات الدولارية”.
ودلوقتي؟
حاليًا، في توقعات إن انخفاض الجنيه هيبدأ يكون أسرع قبل الموافقة النهائية من صندوق النقد على قرض بقيمة 3 مليار دولار، والمتوقعة خلال الشهر المقبل.
