خبر بفلوس
بعد قفزة كبيرة بنسبة 281% في أرباح السويدي اليكتريك خلال الربع الأول من 2023، أرباح الشركة وصلت لـ 2.9 مليار جنيه، ودة كان بجانب ارتفاع الإيرادات بنسبة 79.5% على أساس سنوي، ووصولها لـ 33.3 مليار جنيه.
أصل الموضوع
الزيادة في الإيرادات كانت مدعومة بشكل أساسي من النمو في قطاع الأسلاك والكابلات، وكمان قطاع مشروعات المقاولات، اللي بيشكلوا حوالي 80% من الشركة، بنسبة 92.5% و 53.2% على أساس سنوي.
ليه دة مهم
بالرغم من زيادة المصروفات الإدارية والعمومية للشركة بنسبة 86.5% على أساس سنوي، إلا إن مكاسب الشركة، اللي بتصدر منتجاتها بشكل كبير، من فروق العملة ساهمت في زيادة أرباحها بالشكل دة.
ودلوقتي؟
أحمد السويدي، الرئيس التنفيذي للشركة قال إن الشركة دلوقتي مركزة على مشروعات إزالة الكربون، وبتسعى لجذب التمويل الأخضر لتنفيذ المشروعات دي.
