خبر بفلوس
زياد داوود خبير الأسواق الناشئة في بلومبرج قال إن المطالبة الأساسية لصندوق النقد الدولي من مصر هي: 1) تحقيق تطور في برنامج بيع الأصول الحكومية، 2) السماح بسعر صرف مرن للعملة، ولكن مصر بطيئة في تنفيذ الإصلاحات دي مع اقتراب الموعد النهائي للمراجعة الأولى في يونيو 2023، فياترى إيه اللي ممكن يحصل؟
أصل الموضوع
“داوود” قال إن فيه 3 سيناريوهات:
مصر تكون بطيئة في تنفيذ الإصلاحات، وصندوق النقد يرفض الاستمرار في البرنامج، ولكن من غير متوقع إن صندوق الدولي يقوم بالخطوة دي
مصر تكون بطيئة في تنفيذ الإصلاحات، وصندوق النقد الدولي يأجل المراجعة الأولى لسبتمبر 2023، ودة فيه مخاطرة كبيرة
مصر تقوم بتسريع تنفيذها للإصلاحات من دلوقتي لغاية يونيو 2023، والمراجعة الأولى تتم في ميعادها
ليه دة مهم
المراجعة الأولى مهمة لمصر علشان تقدر تاخد الشريحة التانية بقيمة 347 مليون دولار من القرض اللي تم الإتفاق عليها، ودي هتحصل عليها مصر بمجرد موافقة المجلس التنفيذي لصندوق النقد على المراجعة الأولى.
ودلوقتي؟
بحسب الشرق، صندوق النقد ممكن يجمع المراجعات مع بعض، يعني لو المراجعة الأولى محصلتش قبل شهر يونيو 2023، ممكن يتم ضمها مع المراجعة التانية المقررة 15 سبتمبر 2023.
