خبر بفلوس
أعلنت شركة كونتكت زيادة أرباحها خلال 2022 بنمو سنوي 10%، لتصبح 511 مليون جنيه.
أصل الموضوع
كونتكت، المتخصصة في التمويل الاستهلاكي والتأمين، قالت إن حجم التمويلات اللي قدمتها لعملاءها زادت بنسبة 61% لتسجل 11.4 مليار جنيه، أما بخصوص التأمين فإجمالي الأقساط التأمينية، اللي بيدفعها العملاء للشركة، زادت 83% على أساس سنوي، ووصلت لـ 948 مليون جنيه.
ليه دة مهم
الارتفاع في حجم التمويلات كان بسبب منتجات التمويل الاستهلاكي بكل أنواعها، بالإضافة لتمويل شاحنات النقل، والتمويل العقاري ودة اللي قلل من أثر الزيادة في المخصصات اللي الشركة سجلتها علشان تواجه الأزمة الاقتصادية.
ودلوقتي؟
الشركة قالت إنها واجهت تحديات بخصوص منتج تمويل السيارات نتيجة عدم استقرار سوق السيارات المصري.لقراءة بيان أرباح كونتكت، إضغط هنا.
