خبر بفلوس
عدد من المحللين قالوا رأيهم بخصوص قرار البنك المركزي الأخير بزيادة مستوى الفايدة بنسبة 2%، وأغلب الآراء بتقول إن مصر محتاجة تزود الفايدة أكتر علشان تقضي على التضخم.
أصل الموضوع
فاروق سوسة المحلل في جولدمان ساكس بيقول إن الزيادة الأخيرة تعتبر قليلة لجذب رؤوس الأموال، وعلشان كدة مش من المحتمل إن الزيادة دي تخفف الضغط على الجنيه أو تساهم في توفير العملة الصعبة.
ليه دة مهم
فيه محللين بيقولوا إن التدفقات الأجنبية لمصر مرتبطة بشكل أساسي بمدى مرونة قيمة الجنيه، وإن رفع الفايدة مش بيؤدي لتدفقات استثمارية للبلد.
ودلوقتي؟
مونيكا مالك، كبيرة الاقتصاديين في بنك أبو ظبي التجاري قالت إنه من المتوقع البنك المركزي يرفع الفايدة بنسبة 2% تانية خلال الفترة المقبلة.
