الخبر:

 إنتاج الغاز الطبيعي في مصر نزل في مايو ل 4.3 مليار متر مكعب، وصولاً لأقل مستوى ليه من أكتر من ست سنين ،إقتصاد الشرق كتبت. للتذكير، مصر بقت مستورد صافي للغاز الطبيعي في الشهور الأخيرة بعد انخفاض كبير في الإنتاج المحلي.

التوقعات:

الأرقام الجديدة بتشير لاعتمادنا المستقبلي على استيراد الغاز . انخفاض الإنتاج بيتزامن مع زيادة 12% على أساس سنوي في استهلاك الكهرباء اليومي.

افتكروا:

رداً على انخفاض إمدادات الغاز الناتجة عن الحرب علي غزة، الحكومة قللت إمدادات الغاز للصناعات كثيفة الاستهلاك للطاقة بنسبة تصل لـ 30% من نوفمبر.  ده أثر بشكل كبير على شركات الأسمدة والحديد والألومنيوم. الانخفاض في إمدادات الغاز المحلي أدى لإغلاق شركات الأسمدة مرتين الشهر اللي فات، و ده تسبب في خسائر بالملايين يومياً للمتضررين.

 حل المشكلة:

مصر من فترة طرحت كانت أكبر مناقصة غاز ليها من سنين عشان تلبي الطلب المحلي وسط زيادة الاستهلاك في شهور الصيف. الشحنات دي هتكلف الدولة حوالي 880-910 مليون دولار.

في أخبار تانية عن الطاقة:

شركة النفط البريطانية العملاقة بي بي هتحفر أربع آبار إضافية – اثنين في حقل ريفين للغاز في امتياز شمال الإسكندرية باستثمارات حوالي 200 مليون دولار، واثنين في حقول الجيزة والفيوم بإجمالي 120 مليون دولار. الشركة هتزود إجمالي إنتاجها من الغاز من حقل ريفين بـ 200 مليون قدم مكعب، وكمان هتزود 8,000 برميل من المكثفات من المنطقة على الربع التالت من السنة المالية 2024-25.