Subscribe to Egypt Claps
عندنا النهاردة خبر عن توقعات البنك الدولي للنمو في مصر على مدار السنتين الجاية،أحدث البيانات المتعلقة بالاستثمارات الأجنبية المباشرة، وأكتر.
البنك الدولي يتوقع استقرار النمو في مصر لغاية 2026
الخبر:
توافقاً مع توقعاته المعلنة في أبريل، البنك الدولي متوقع الناتج المحلي الإجمالي لمصر يكبر 2.8% في السنة المالية 2023-2024، متوقع زيادة ل 4.2% في السنة المالية 2024-2025، وزيادة بنسبة 4.6% في السنة اللي بعديها.
طب ده حلو بالمقارنة مع غيرنا؟
توقعات نمو مصر أعلى من التوقعات العالمية ل 2024 اللي البنك متوقع تبقى على 2.6% في 2024، قبل ما تشوف زيادة بنسبة 0.01% في 2025 و 2025.
الدافع:
البنك قال إن زيادة نمو الناتج المحلي الإجمالي الحقيقي في السنوات المالية 2024/2025 و 2025/2026 منطقي بعد اتفاقية راس الحكمة في فبراير بقيمة 35 مليار دولار.
في حاجات تانية؟
الاستهلاك الخاص متوقع يزيد في مصر مع زيادة تحويلات المغتربين اللي المتوقع تعلا 10% سنويًا لحد سنة 2030. الاستهلاك الخاص برضو متوقع يطلع عن مستوياته الحالية مع توقعات لانخفاض التضخم في السنة اللي جاية، البنك قال.
هل صادراتنا هتزيد؟
البنك كمان ذكر إن تراجع سعر الصرف بعد تخفيض قيمة الجنيه في مارس متوقع يدعم الصادرات الصافية وينشط النمو الاقتصادي.
البنك الافريقي نزل توقعاته للتضخم هو كمان:
البنك الأفريقي للتنمية متوقع ان في 2025 نسب التضخم المصرية تنزل حوالي 13% ل 23٪ مقارنة ب 36٪ في سنة 2024.
مصر شافت 12.3٪ زيادة في الاستثمارات الأجنبية المباشرة السنادي
الخبر:
سجلت مصر أسرع وتيرة نمو في تدفقات الاستثمار الأجنبي المباشر (FDI) في السنة المالية 2024 مسجلة زيادة بنسبة 12.3٪ على أساس سنوي ل 10 مليار دولار، الرئيس التنفيذي للهيئة العامة للاستثمار والمناطق الحرة قال.
الدافع:
الزيادة في الاستثمارات الدولية راجعة من جهود مصر في تموضع نفسها كمركز إقليمي للطاقة الخضراء، والتكنولوجيا، والاتصالات، والزراعة، والصناعة والخدمات اللوجستية، والرعاية الصحية، والسياحة.
إفتكرو:
إذا تمكنت مصر من تأمين زيادة بنسبة 30% في تدفقات الاستثمار الأجنبي المباشر و زيادة في تدفقات المحفظة الاستثمارية مع عودة تحويلات المصريين بالخارج لمستويات السنوات المالية 2021-2022،ممكن تأمن مصر تدفقات نقدية صافية تصل ل 19-20 مليار دولار بحلول يونيو 2025, حسب توقعات بنك يو بي إس السويسري.
في أخبار تانية:
بفضل الثقة بعد صفقة رأس الحكمة، اشترى المستثمرون الأجانب سندات محلية بحوالي 15 مليار دولار السنادي، فايننشال تايمز كتبت.
إيه الوضع الحالي؟
زادت مشتريات الأجانب من الديون المحلية في مارس 23.7 مليار دولار عن الشهر القبلو لتصل ل 1.54 تريليون جنيه بعد تخفيض قيمة الجنيه المصري، إقتصاد الشرق كتبت. وأشارت فايننشال تايمز أن المستثمرين الأجانب بيمتلكو حاليا حوالي عُشر ديوننا المحلية.
الخبر:
بعد موافقة الرقابة، شركة الأهلى لإدارة الاستثمارات المالية حددت بكرة كمعاد إطلاق صندوق الذهب الجديد بتاعها.
التفاصيل:
هيصدر الصندوق 100,000 شهادة استثمارية بسعر 100 جنيه لكل وحدة.
إفتكرو:
زادت أسعار الدهب 13.1٪ خلال 2023 وسجلت ذروة تاريخية في ديسمبر ل 2,146 دولار للأوقية. ده بسبب أزمة العملات الأجنبية وتفاقم التضخم السنة اللي فاتت اللي دفعت عدد كبير من المصريين للاستثمار في الذهب بدل الودائع البنكية. صندوق الذهب المصري الأول إللي أطلقته إيفولف إنفستمنت هولدينج وأزيموت في 2023 كان عليه اكتتاب فوق الإصدارات 15 مرة، و جمع 152.8 مليون جنيه من طلباته الأولية.
في أخبار تانية عن الصناديق:
هتقوم سي آي كابيتال لإدارة الأصول بإطلاق أول صندوق استثمار متوافق مع الشريعة في مصر في الربع الثالث من 2024 بعد إطلاق أول مؤشر إسلامي في البلد في أول الشهر. سي آي عاوزة صندوقها الجديد يكون من أقوى خمسة في مصر، وبتخطط تأمن معظم رأس المال المخصصة ليه من دول الخليج.
في أكتر جاي:
المدير التنفيذي ل أزيموت قال برضو إن شركة برضو قدمت طلبً لهيئة الرقابة المالية لإطلاق صندوقها الإسلامي الجديد في الايجي إكس 33.
ايه تاني بيحصل؟
شركة الصناعات الكيماوية المصرية (كيما) سجلت نزول بنسبة 91٪ على أساس سنوي في ارباحها الصافية ل 102.2مليون جنيه خلال التسع شهور المنتهية في مارس. إيراداتها وقعت برضو 10% على أساس سنوي ل 4.61 مليار جنيه خلال نفس الفترة.
الحكومة خدت موافقة عشان تطرح مناقصة لاختيار مستشار دولي مكلف بوضع استراتيجية وطنية لتوطين صناعة الشرائح وألواح الطاقة الشمسية.
Latest CLAPS
