الخبر:
إنتاج واستهلاك الغاز الطبيعي في مصر قل في أبريل، والواردات كمان نزلت بس لأول مرة من ديسمبر زادت صادراتنا المحلية، حسب التقرير الأخير لمبادرة بيانات المنظمات المشتركة (JODI).
الإنتاج:
إنتاج الغاز الطبيعي في مصر نزل بنسبة 5% في أبريل لـ 4.26 مليار متر مكعب، مقارنة بـ 4.49 مليار متر مكعب في مارس. خلال أول أربع شهور من السنة وقع الإنتاج بحوالي 14% لى 17.7 مليار متر مكعب مقارنة بـ 20.5 مليار متر في نفس الفترة من 2023.
الاستهلاك وقع على أساس شهري:
استهلاك الغاز المحلي شاف انخفاض بنسبة 4.5% لـ 5.02 مليار متر مكعب مقارنة بـ 5.26 مليار متر مكعب في مارس رغم زيادة استهلاك الغاز المستخدم في توليد الكهرباء في أبريل لـ 2.85 مليار متر مكعب مقارنة بـ 2.7 مليار متر مكعب في مارس.
الصادرات زادت لأول مرة من السنة اللي فاتت:
صادرات الغاز المصري وصلت لـ 209 مليون متر مكعب في أول علو ليها من ديسمبر 2023.
لكن انخفضت على أساس سنوي:
حوالي 854 مليون متر مكعب تم تصديرهم خلال أول أربع شهور من السنة و ده بيمثل نزول بنسبة 77.5% على أساس سنوي مقارنة بـ 3.8 مليار متر مكعب في نفس الفترة من السنة اللي فاتت.
افتكر:
مصر بتوقف الصادرات في شهور الصيف عشان تلبي متطلبات الاستهلاك في موجات الحر. الاستراتيجية جية في نفس الوقت اللي الشركة المصرية القابضة للغاز الطبيعي عوزة تصدر فيه مناقصة دولية لتأمين ما لا يقل عن 17 شحنة غاز طبيعي مسال خلال التلت شهور الجايين.
الواردات في أبريل:
واردات الأنابيب نزلت حوالي 3% لـ 905 مليون متر مكعب مقارنة بـ 932.5 مليون متر مكعب في مارس، لكن زادت في أول أربع شهور من السنة بحوالي 18% ل3.6 مليار متر مكعب.
