خبر بفلوس
قامت وكالة ستاندرد آند بورز بتخفيض النظرة المتسقبلية لـ 3 بنوك مصرية هم: البنك التجاري الدولي، البنك الأهلي وبنك مصر، من مستقرة إلى سلبية.
أصل الموضوع
الخطوة دي جاية بعد ما قامت الوكالة بتخفيض النظرة المستقبلية لديون الحكومة المصرية، وقالت إن السبب في دة هو تأخر الإصلاحات الاقتصادية اللي من المفترض إن مصر تنفذها، دة بالإضافة لتقلبات سعر الصرف.
ليه دة مهم
بيان الوكالة قال إن البنوك مش هتتحمل تخلف مصر عن سداد أي ديون لها، ودة لإن البنوك الـ 3 منكشفة على الاقتصاد المصري بشكل كبير.
ودلوقتي؟
تخفيض النظرة المستقبلية من مؤسسات التصنيف الإئتماني للبنوك، بيشير لإمكانية تخفيض التصنيف الإئتماني، اللي حاليًا عند B، للبنوك دي في المستقبل.
